(لا عنوان)

تجاربي لبعض المنتجات التجميلية… ~

too faced / guerlain /make up forever ..

طبعا وحشني تواجدكم هنا كثير

و مانسيت اني وعدتكم في اخر تدوينة
بتكون التدوينات القادمة عن التنظيف و الترتيب
لكن ابشروا بكل خير

مع نقل بيتي بصور لكم طريقتي في التنظيف
و الترتيب حبة حبة

و نبداء بسم الله على اول منتج

SHADOW INSURANCE PRIMER

اللي حمستني عليه فروح

هالمنتج يمكن ثاني منتج حطمني في حياتي على حماسي له
جدا ماناسبني ابداَ و لا يثبت لي الشادو او يقوي اللون على اساس
يثبت لمدة 24 ساعة لو قعد 3 كويس و المقارنات الظالمة فيه
مع اربان ديكاي ماتجي ابدا , حاولت كذا مرة اعطيه فرصة لكن
للاسف النتيجة وحدة

PRIMED & PORELESS PURE PRIMER
برايمر خالي من الزيوت للبشرة الحساسة

البرايمر بشكل عام يستخدم كقاعدة قبل الاساس
و الباودر حتى تثبت اكثر وقت ممكن
طلة المنتج النهائية مطفي ( مات )
قوام المنتج دبق و سهل التوزيع و الامتصاص

الرائحة مزعجة قليلاً شبيه بالفازلين، المنتج يوعدنا في بشرة ناعمة
و مسامات مغلقة و بشرة متوهجة و انه من أفضل المنتجات مبيعاَ

من تجربتي للمنتج حصلت على نعومة سطح البشرة لكن لايوجد اي توهج او تعبئة للمسامات
بالعكس الطلة النهائية اللي حصلت عليه مات زي ماذكرت سابقاَ

نسبة الفشل فيه هالبرايمر اخف من برايمر العين
و اتوقع بيفيد اللي بشرتهم دهنية اكثر

اكيد المنتج يختلف تاثيره من بشرة لبشرة
قبل الشراء جربي المنتج ربما يحالفكم الحظ

22K سنتيليتنغ باودر وشمع الحواجب

في البداية انا مو من محبين مكياجي ونادر مادخله و دائما مايعجبني
شيء عندهم .. في يوم من الايام جذبني عند صديقتي روج و قالت انه
من مكياجي و شكل العلبة كان انيق و شبيه لحد كبير من تصاميم غيرلان
مع اختلاف الجودة طبعاَ

فتحمست و دخلت و فعلا لقيت الارواج لكن الالوان ماعجبتني كثير
وكانت تعرض لي البضاعة و تحكي لي عن بودرة الحواجب و انها ممتازة
و متوفر منها كم لونين اذا ماخاب ظني اسود و بني

استخدم الباودر اكثر لتعبئة الفراغات بين شعر الحاجب
و تعطني لوك طبيعي اكثر و على فكرة هي بنفس جودة
باودرحواجب بودي شوب اللي البنات يمدحون فيه و بشكل ارتب
و اكثر اناقة بنظري

بنظري جيدة و مفيدة للاستخدام اليومي
لكن ثباتها مو قوي و سعرها رخيص جدا
اقل من 70 اعتقد

هنا للي تحب تحصل على لوك مرتب
خصوصاَ الحواجب هي اللي تحدد لك ملامحك

HD BLUSH
النسخة الثانية للبلاشر الكريمي

ارتوس تكلمت على النسخة القديمة اللي كانت
في عيوات مضغوطة

جميييل هالبلاشر لكن عيبه سعره مبالغ حبتين فيه
اذكر كان قريب من 200 متوفر منه عدة الوان حول 15
لون

تنبيه البلاشر الكريمي يوضح عيوب البشرة اكثر
و كذلك الهاي لايت لو تحبين تستخدمين خذي باودر

الدرجة اللي عندي غامقة و استخدمها كمحدد
لبعض المناطق ينمد بكل سهولة و يعطيك تحديد
طبيعي بعيد عن الاشكال المنحوتة البلاستيكة

ROUGE ARTIST LIP PALETTE
5 Lipstick Palette Shades To Create

باليت مكون من خمس ارواج كريمية
من ميك اب فور ايفر

خيار توفير ذكي للمستهلك خصوصا ان السعر مقارب
لسعر روج واحد

في عدة الوان من مجموعات الاحمر و البنفسجي
و البرتقالي وغيرها من الألوان و بَاليتي مجموعة البيج الدافئة

شخصياَ اميل للالوان الدافئة كثير و اغلب ارواجي الوانها
متقاربة مع ذلك كل مانزلت و شريت اخذت لي لون نيود

حجم العلبة مثالي تقريباَ اصغر من حجم كف اليد
و معه ريشة ممتازة للتوزيع و ناعمة و بمجرد وجود
عدة الوان عندك خيار ثالث لدمج الألوان او الاستفادة
من دمج لون فاتح مع غامق حتى يعطي إمتلاء للشِفاه
بحيث يكون الغامق على كامل اطراف الشفاه و الفاتح بالمنتصف

اكيد ماننسى تقشير الشِفاه و العناية لها دور
انها تظهر لون الروج و ايضاَ يختلف من بشرة لبشرة

اللي ماتحب الروج يكون فيه لمعة تستخدم هالطريقة

TTERRACOTTA BLUSH
مثالي لتوهج من فٌبلة الشمس

تم شراء المنتج بعد مدح ارتوس صادقة بكل كلمة كتبتها
شيء يخليك تدوخيين … افضل بلاشر جربته

يعطيك لفحة على خدك و كآنها مٌوردة من ربي او من حرارة الشمس
و ريحة المنتج عطرية جميللة ودك تأكلينه و انتِ تحطينه .. الحمد لله
مو روج و لاكان انمسح

فيه درجتين منه مشمي و بنكي و كلهم جميلين
و اللي يناسب سحنتي البنك اكثر و السمر بيناسبهم
كورال و بيعطيهم مظهر تان جميل

مكياجها جدا هادئ و رايق و حلو هالنوع للمراهقات
و للدوام اليومي .. بلاش نشوف اشكال باربي

بالنهاية اللي يناسبني ممكن مايناسبكم
جربوا اي منتج قبل الشراء حتى لو اخذ
منك الموضوع اكثر من تجربة

دمتم بحفظ الكريم
()

يآمراحب بمٌحبات الجمآل
اول تدوينة عن المكيآج

باليت بعض من إشيائي المفضلة
من توفيسد يحتوي على باليت

مٌكون من 20 ظل للعيون
و 2 من البلاشر
و 2 من البرونز

مع ماسكرا بحجم صغير
و مٌكبر شفاه بلون ثابت

مع شنطة بتصميم انيق

و كتيب بالداخل فيه بعض اللوكات المختلفة من الباليت

شكل الباليت من الداخل .. متنوع في الإلوان , في البداية بتكلم عن
الإضافات اللي هي ماسكرا LASH INJECTION تعطي لوك طبيعي
الحلو فيها تفريقها للرموش بشكل تبان طبيعي ، لكن مفعولها ككتافة
و تطويل زيرو

إذا بنظف رموشي منها تنزل على شكل قطع , حاولت اعطيها اكثر
من مرة فرصة لكن ماجازت لي ابدا

مُكبر للشفاه LIP INJECTION COLOR BOMB!
و لونه Coral Pop من درجات البنكي و للاسف ماحب هالدرجة منها
حبيت المرطب كثير و صح بعضهم مايقول يحرق طبيعي يحرق في البداية
مثل اي مكبر للشفاه لانه يعتمد على وخز الشفاه
حتى يحقنها و يعطيها منظر مٌحتقن و يطلع شكلها جميل

ريحته مثل العلك و حتى درجة الترطيب مقبولة مايجفف لك الشفايف
و بجرب ان شاء الله درجة لون Never Enough Nude
حيكون على مزاجي

بالنسبة للإلوان اي شادو اغرتني كثير و تنوعها اللي بين
كريمي و شيمر و مات

الحٌلو انهآ عملية و صح الباليت كبير بس اقدر اخذه معي بشنطة السفر
و تقريباَ فيه مجموعة الالوان جميلة متنوعة بين الفوآتح و اللي احبها كثير
لـلوك ناتشورال و الغامقة للزوايا و للسهرات و فيه مجموعة جميلة
من القلتر مٌجموعة ذكية بنظري و ممتاز جدآ سواء للمبتدئات او المحترفات

العيب الوحيد ان بعض الالوان للاسف مو واضحة او ثابتة لوقت طويل
مع اني كنت استخدم برايمر للعين مع ذلك كمان بعد كم ساعة يختفي اللون
و اكتشفت ان طريقة وضعك لها بالفرشة يأثر _ _ _ > بدري

فالألوان اللي خفيفة وماتوضح معي لما احطها بالفرشة ماحركة مجرد اثبتها
يعني ماحول اوزعها و الطريقة فادتني كثير

الحلول الثانية المتعارف عليها لتقوية اللون استخدمي رشة
من مثبت المكياج او فيكس ماك قبل ماتأخذي الاي شادو
و تحطيه على الجفن

طريقة كمان سهلة استخدمي قطرة الديورلاين من انجلوت
و في مثلها بماك كمآن

تجربتي مع قطرة {Duraline} .. من انجلوت

البلاشر حلوة احجامهم و الوانهم جميلة اللون اللي بالأعلى وردي وفيه ذرات ذهبي
رايق و يعطي لمعة بنكية جميلة و اللي بالإسفل اجمل منه بكثير اللي هو كورال
melt into spring و هو اللي غالبا ماستخدمه