يسعد صبآحكم
كل عآم و انتم بخير و سعآدة
من كم يوم سئلت في انستغرام
عن المكونات اللي بشنطة الطوارئ
و حبيت اشوف وش المهم عندهم
شخصياَ احب شنطتي مقسمة يعني المكياج بشنطة و الأغراض المهمة بشنطة
و الشغلات اللي ممكن احتاج لها تحت اي ظرف جمعتها في شنطة صغنونة
الشنطة اخذتها من سيفورا و الحلو متوفر فيها معظم الشغلات الإساسية
و هي تعتبر من حقائب السفر الصغيرة لكن بنظري اشوفها حتى لو مو مسافرة
احتاج استخدام ادوات منها معظم الاوقات
مكونآت الحقيبة ~
نبداء من اليمين من الأعلى
1- مناديل مزيل مكياج ، مااحتاج لها كثير لان عندي مناديل خاصة
بالمكياج و مزيلات مكياج لكن اضطريت استخدمتها تقرياَ مرتين وكنت برا المنزل
و خلص مزيل مكياجي اللي بشنطة المكياج
2- اعواد اذن ، استخدمها غالبا في تزبيط المكياج سواء كحل او روج
3- لصق جروج و اشوف انه من اهم المُتطلبات الضرورية
4- بنسات و ربطة شعر
5- زبدة شيا او فازلين بالرغم من عدم استخدامي لهم الا اني اشوفها ضرورية
6- قطرات ريفرش للعيون , مهمة خصوصا جو الرياض غبار
7- خيط اسنان ، بس معليش الاستخدام مو قدام خلق الله في الحمام
لو في شي عالق باسنانك ، ماعمري احتجت له بس اشوفه مهم
8- فرشة اسنان صغنونة كمان مااستخدمتها
لكن مآتدرون يمكن فجأة يحصل لكم ظرف و تنام برا البيت
بمكان خارج البيت
9- معقم يد
10- مقص اظافر ، وقت ماينكسر ظفر
11- مشط
في بعض الشغلات اللي مخلصة من الشنطة
و ماصورتها
– بنادول
– مسحات طبيية
في شغلات ذكروها البنات في انستغرام
و ماكانت في بآلي
– مجموعة خياطة ، فكرة جميلة بس ماعمري فكرت اخذ
معي ابرة و خيط لاني ممكن ماتوقعت بيوم تنقطع لي بلوزة او فستان
المشكلة لو بخيط بخييط تخييط ابو كلب
– مرهم للتتحسس او ميبو خيار ذكي
– علبة عدسات ، مو راعية عدسات و لا اعاني من مشاكل في النظر
الحمد لله و يمكن لبست عدسات بس 7 مرات بحياتي
– منديل إزلة البقع ، يمكن قصدكم منديل منظف العبايات فكرة حلوة
اللي عندها اطفال لاني احسها اكثر وحدة بالكون تنحاس
– كوتكس يمكن لان دورتي منتظمة فمااهتم لها وإذا كنت شاكة
اخذ احتياط فوري , البنات بكل مكان
– شاحن ، انا انسانة إذا ماطلعت من البيت و شحني فل ماارتاح
او اقلها 50 % فما احتاج شاحن , خصوصا بالخارج نادرا ما امسك جوال
الإ اذا بصور
و سلامتكم و يسعد قٌلوب اللي تشآركوا معي
و الحين بضيف لشنطتي بعض الإغراض الجديدة وهي
– مرهم للتحسس ، – مناديل إزالة بقع , – مبرد
بالنسبة للمناديل افضل اللي لها غطاء حتى ماتجف مع الوقت
و اشوفكم بتدوينات رمضآنية جديدة على خير و محبة يآرب